Flore

In gracie des risultivis e dal nivel de falde freatiche, che a crein cundizions microtermichis particolârs, ta chescj boscs a vivin chei che si podaressin pardabon clamâ “relits glaçâi”.
Propit par vie di chestis cundizions microclimatichis e dal lunc percors evolutîf, ta chescj boscs a vivin cetantis speciis: cualchidune di chestis e je stimade in vie di estinzion o fintremai discomparide ta dute la aree padane. 
No si cjatin cussì tantis critogamis di nissune altre bande de plane antropizade.

Notis sul cont di cualchi plante interessante che si pues cjatâ intai Boscs di Muçane (frache par aprofondî)

​

I boscs di Muçane a son stâts classificâts tant che boscs di rôi e di çamars (localmentri clamâts “cjarpits”) in gracie de presince di chescj doi arbui (Quercus robur e Carpinus betulus). A son doi boscs di planure mesofii, distants un di chel altri un centenâr di metris, e a son ce che al reste de grande “silva lupanica” che e cuvierzeve la basse planure jenfri la Livence e il Lusinç.

Altris arbui presints in chescj boscs a son, par esempli, il vuâr (Fraxinus ornus) e il frassin (Fraxinus angustifolia subsp. oxycarpa e Fraxinus excelsior), massime cu la specie angustifolia.

Po dopo o vin il vôl (Acer campestre), il râr Acer platanoides e l’Acer negundo che al à rivât a scjampâ des coltivazions e al è aromai naturalizât.
Intes lacjis plui umidis o in bande dai canâi al è facil cjatâ l’onâr (Alnus glutinosa).
Al è presint, ancje l’olm (Ulmus minor), aben che, compagn dal rôl, al ledi simpri di plui al mancul.
Tra i arbui che nus sticin la curiositât pe lôr diference cu lis lôr varietâts coltivadis a son il cjariesâr salvadi (Prunus avium), il miluçâr salvadi (Malus sylvestris) e il piruçâr salvadi (Pyrus pyraster).

Po dopo o vin un grum di arbossits: il cuargnolâr (Cornus mas), il sanzit (Cornus sanguinea), il brugnolâr (Prunus spinosa), il baraç blanc (Crataegus monogyna e il mancul frecuent Crataegus laevigata), il noglâr (Corylus avellana), il fusâr (Euonymus europaea), il spin neri (Rhamnus catharticus), la paugne (Viburnum lantana), i balons di nêf (Viburnum opulus), il len neri (Frangula alnus), il gjatul (Salix caprea), il pisse cjavre o len di cjan (Lonicera xylosteum), il saût (Sambucus nigra), il sinevoc (Daphne mezereum) e tancj altris.

Natura 2000 è  una rete ecologica diffusa su tutto il territorio dell’Unione Europea, istituita per garantire il mantenimento a lungo termine degli habitat naturali e delle specie di flora e fauna minacciati o rari a livello comunitario.

La rete Natura 2000 è costituita dai Siti di Interesse Comunitario (SIC), che vengono successivamente designati quali Zone Speciali di Conservazione (ZSC), e comprende anche le Zone di Protezione Speciale (ZPS).

I Boschi di Muzzana sono una Zona Speciale di Conservazione, sono stati codificati come “ZSC IT3320034 Boschi di Muzzana” e come tali sono stati dotati di un piano di gestione.

Lis plantis plui preseadis però a son chês che a rindin plui biel il sotbosc tes diviersis stagjons.

Il moment des floriduris al tache adore in Fevrâr cul Galanthus nivalis subsp. Nivalis, che al è bondant in cierts lûcs dal bosc Code di Manin ma al è râr tal “bosc di Comun”. Po dopo a rivin il profum fuart da la locje (Daphne mezereum) e il cidivoc (Crocus heuffelianus).

Cul lâ indevant dai mês si àn lis campanelis (Leucojum aestivum subsp. aestivum), la polmonarie (Pulmonaria officinalis), la viole di diaul (Vinca minor), la primule (Primula vulgaris), i anemui (Anemone nemorosa, A. trifolia, A. ranunculoides), lis violis (Viola alba s.l., V. hirta, V. odorata, V. reichenbachiana, V. riviniana, V. elatior) e v.i.

In Mai i insets impolinadôrs a puedin svolâ parsore di chescj biei flôrs: zi zâl (Hemerocallis lilio-asphodelus), Iris graminea, la talpe di raze (Iris sibirica e I. pseudoacorus) e lis orchideis come la preseade Orchis purpurea.

Tai boscs di Muçane a son presintis plantis calcoladis in vie di estinzion o che lu son te planure padane.
Une particolaritât impuartante e je la presince massive di critogamis rispiet al rest de planure aromai fiscade de presince dal om.

Tra lis plui impuartantis o vin la lenghe cervine (Phyllitis scolopendrium susp. scolopendrium), la jerbe dai mûrs (Asplenium trichomanes susp. trichomanes) e il Gymnocarpium dryopteris.

A son ancje un grum di briofitis e un pâr di lôr a son dentri te “Lista Rossa delle briofite d’Italia” (CORTINI PEDROTTI & ALEFFI, 1992) dulà che si cjatin lis speciis in pericul di estinzion tant che il Leucobryum juniperoideum, l’Anomodon longifolius, Anomodon rugelii e l’Homalia trichomanoides.